«Ֆրանսիան կշարունակի հետախուզական տեղեկատվություն տրամադրել Ուկրաինային»․ Լեքորնյու

Ֆրանսիան կշարունակի հետախուզական տեղեկատվություն տրամադրել Ուկրաինային՝ Կիևի հետ իր հետախուզական տվյալների փոխանակումը դադարեցնելու ԱՄՆ որոշման ֆոնին: Այս մասին հայտարարել է Ֆրանսիայի պաշտպանության նախարար Սեբաստիան Լեքորնյուն, փոխանցում է РИА Новости-ն։

Ավելի վաղ Financial Times-ը և արևմտյան լրատվամիջոցներ հայտնել են, որ Միացյալ Նահանգները դադարեցրել է Ուկրաինայի հետ հետախուզական տվյալների փոխանակումը, ինչը կարող է Ուկրաինայի Զինված ուժերի համար լուրջ խնդիրներ առաջացնել ճակատում։

Բացի այդ, ԱՄՆ-ի ցուցումով բրիտանացիները նույնպես կդադարեցնեն ամերիկյան հետախուզական տվյալների փոխանակումը Կիևի հետ։

Ուկրաինան հերքում է դա և հայտնում, որ մարտի 5-ի կեսօրի դրությամբ տեղեկատվության փոխանցումը շարունակվում էր՝ թեև որոշ սահմանափակումներով։