«ԱՄՆ-ն մեզ բարեկամ երկիր չէ»․ Պեսկով

ԱՄՆ պետքարտուղար Մարկո Ռուբիոյի կրոնականությունն ԱՄՆ-ին չի դարձնում Ռուսաստանի համար բարեկամ երկիր՝ ընդհանուր արժեքներով։ Այս մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը։

Ավելի վաղ Ռուբիոն եթեր էր դուրս եկել Մեծ Պահքի սկիզբը խորհրդանշող՝ ճակատին մոխիրով պատկերված խաչով։

«Ոչ, ԱՄՆ-ն այս պահին մեզ համար բարեկամ երկիր չէ, ԱՄՆ-ն այն երկիրն է, որի հետ հիմա փորձում ենք վերակենդանացնել, վերականգնել երկկողմ հարաբերությունները»,- նշել է Պեսկովը՝ պատասխանելով մամուլի հարցերին։