«ՌԴ-ի և Բելառուսի սահմանին ՆԱՏՕ-ի ներկայությունը պետք է ընդլայնվի»․ Տուսկ

Եվրոպան պետք է մտածի Ռուսաստանի և Բելառուսի սահմանին ՆԱՏՕ-ի ռազմական ներկայության ընդլայնման մասին, հայտարարել է Լեհաստանի վարչապետ Դոնալդ Տուսկը՝ ԵՄ գագաթնաժողով ժամանելուց հետո։
«Ես կխոսեմ Ռուսաստանի և Բելառուսի հետ սահմանին եվրոպական և ՆԱՏՕ-ի զորքերի ավելացման հարցը դիտարկելու մասին»,- ասել է նա։

«Եվրոպան պետք է սպառազինությունների մրցավազքի մեջ մտնի Ռուսաստանի հետ», հավելել է Տուսկը։
Տուսկի խոսքով՝ «ԵՄ-ի արևելյան սահմանի պաշտպանությունն առաջնահերթություն է, որը ոչ ոք կասկածի տակ չի դնում։ Սա ենթադրում է միջոցներ, ենթակառուցվածքային օգնություն»,- հավելել է վարչապետը։

Ավելի վաղ ՌԴ արտգործնախարար Սերգեյ Լավրովն անընդունելի է համարել խաղաղապահ զորակազմի տեղակայումն Ուկրաինայի տարածքում, ինչը, Լավրովի խոսքով, հավասարազոր է ՆԱՏՕ-ի ներկայությանը՝ նշելով, որ նման քննարկումները բացահայտ թշնամական նպատակ են հետապնդում։