«Եվրոպայի անվտանգությանն առնչվող բոլոր քայլերը պետք է ծրագրվեն Թուրքիայի հետ համատեղ». Էրդողան

Թուրքիայի նախագահ Ռեջեփ Թայիփ Էրդողանը կոչ է արել վերսկսել Եվրոմիությանը Թուրքիայի անդամակցության շուրջ բանակցությունները՝ ընդգծելով Անկարայի ռազմավարական դերը եվրոպական անվտանգության ու տնտեսական հարցերում։

«Եվրոպայի տնտեսական անվտանգությունն ու պաշտպանությունը հստակորեն ցույց են տալիս Թուրքիայի կարևոր նշանակությունը։ Մենք հաստատակամորեն պահպանում ենք ԵՄ լիիրավ անդամակցության նպատակը և հուսով ենք, որ Միությունը կվերսկսի բանակցությունները»,- ասել է Էրդողանը։
Նախագահը նաև դժգոհություն է հայտնել, որ Թուրքիան դուրս է մնում Ուկրաինայի վերականգնման ծրագրերից՝ չնայած իր երկրի մասնավոր հատվածի կողմից զգալի ներդրումներին։

«Սա հիմնավորված չէ»,- ընդգծել է Էրդողանը։