Նյու Յորքում արտակարգ դրություն է հայտարարվել

Ինչպես հայտնե էինք խոշոր անտառային հրդեհներ են բռնկվել Լոնգ Այլենդում։ Նյու Յորքի նահանգապետ Քեթի Հոչուլը քաղաքում արտակարգ դրություն է հայտարարել բնական աղետի պատճառով։ Այս մասին հայտնում է NBC News-ը։

«Շաբաթ օրը Լոնգ Այլենդում և Բրուքլինի մոտակայքում անտառային հրդեհներ են բռնկվել, իսկ Նյու Յորքում ուժեղ քամին հրդեհի տարածման մեծ ռիսկ է ստեղծել»,– գրում է թերթը՝ հղում կատարելով Ազգային օդերևութաբանական ծառայությանը։
Հրդեհի ընդհանուր մակերեսը դեռ պարզված չէ։ Սակայն, ըստ հրապարակման, կրակը տարածվում է մինչեւ 56 կմ/ժ արագությամբ։ Հրշեջներին օգնելու համար դեպքի վայր են ուղարկվել Ազգային գվարդիայի ուղղաթիռներ։

«Ես պարտավորվում եմ անել ամեն ինչ՝ Լոնգ Այլենդի բնակիչներին անվտանգ պահելու համար», - ասել է Քեթի Հոչուլը: