Ապստամբները փորձել են հարձակվել Դամասկոսի վրա, սակայն հետ են մղվել․ #AlJazeera

643

Երկուշաբթի, 10 մարտի, 2025 թ., 12:26

Սիրիայի ժամանակավոր կառավարության անվտանգության ուժերը հետ են մղել նախկին նախագահ Բաշար ալ-Ասադի կողմնակիցների հարձակումը Դամասկոսի Մեզզե շրջանում գտնվող անցակետի վրա։ Այս մասին հայտնում է Al Jazeera հեռուստաալիքը՝ հղում կատարելով Սիրիայի նոր իշխանությունների անվտանգության ուժերի աղբյուրին։

Հիշեցնենք, որ Անվտանգության ուժերի և Ասադի կողմնակիցների միջև բախումները շարունակվում են մարտի 6-ից՝ Լաթաքիա, Տարտուս և Հոմս նահանգներում։ Ամենաթեժ մարտերը տեղի են ունեցել Ջեբլա քաղաքում։

Ըստ վերջին տվյալների՝ Սիրիայի արևմուտքում հակամարտության սրման սկզբից ի վեր սպանվել է նախկին նախագահի 250 զինված կողմնակից, իսկ անվտանգության ուժերը կորցրել են 231 մարտիկի։ Քաղաքացիական բնակչության շրջանում զոհերի թիվը գերազանցել է 800-ը։