Կազանում տաքսին մխրճվել է ավտոբուսի կանգառում գտնվող մարդկանց խմբի մեջ

Փողոցային հսկողության տեսախցիկը ֆիքսել է այն պահը, երբ Կազանում տաքսին մխրճվել է ավտոբուսի կանգառ, որտեղ մարդիկ են եղել։ Տեսանյութը հրապարակվել է Region116 թելեգրամ-ալիքում։
Դատելով կադրերից՝ մեքենան սկզբում շարժվել է ցածր արագությամբ, սակայն չի մնացել իր գոտում և ինչ-որ պահի շարժվել է դեպի կանգառ։ Այդ պահին ավտոբուսից իջնող մի խումբ ուղևորներ վրաերթի են ենթարկվել։ Հետիոտներին վրաերթի ենթարկելուց հետո տաքսին բախվել է մի փոքր հեռու կայանված ավտոբուսին։

Վթարի պատճառ դարձած վարորդը հայտնել է, որ քնել է ղեկին, ինչի պատճառով կորցրել է կառավարումն ու վրաերթի ենթարկել մարդկանց։ Սակայն իրավապահները պարզել են, որ նախկինում նա զրկվել է մեքենա վարելու իրավունքից հարբած քշելու պատճառով: Նա նաև ենթարկվել է պատասխանատվության թմրամիջոցներ պահելու համար:

Թաթարստանի առողջապահության նախարարությունը հայտնել է, որ միջադեպի հետևանքով տուժել է 11 մարդ, որոնցից 9-ը հոսպիտալացվել են։