Հյուսիսային ծովում բախվել են լցանավն ու բեռնանավը

Առնվազն 32 մարդ տուժել է Հյուսիսային ծովում՝ Մեծ Բրիտանիայի ափերի մոտ լցանավի և բեռնատար նավի բախման հետևանքով։ Այս մասին հաղորդում է Sky News հեռուստաալիքը՝ վկայակոչելով նավահանգստի ներկայացուցիչներին, որտեղ տեղափոխվել են այրվող նավերի անձնակազմի անդամները։

«Ընդհանուր առմամբ 32 տուժած տեղափոխվել է նավահանգիստ, որտեղ շտապօգնության մեքենաները սպասում էին նրանց Արքայադուստր Դիանայի հիվանդանոց տեղափոխելու համար»,- ասվում է հաղորդագրության մեջ։

Հեռուստաալիքի տվյալներով՝ մարդկանց բերման են ենթարկել երեք նավով։ Նրանց վնասվածքների լրջության մասին դեռ տեղեկություններ չկան։ Նաև տեղեկություններ չկան ԱՄՆ-ի դրոշով նավթատար Stena Immaculate նավի և պորտուգալական դրոշով Solong կոնտեյներային նավի մասին: BBC-ն պարզաբանում է, որ Stena Immaculate նավի անձնակազմի բոլոր անդամները փրկվել են։

Լցանավը, ըստ Sky News-ի, կարող էր օգտագործվել Մեծ Բրիտանիայում ամերիկյան ռազմակայաններ վառելիք հասցնելու համար։