Երեքշաբթի, 08 հուլիսի, 2025 թ.
|
Ստեփանակերտում`   +21 °C

Թրամփի հատուկ բանագնացը շաբաթվա ընթացքում մտադիր է հանդիպել Պուտինի հետ․ #Axios

Թրամփի հատուկ բանագնացը շաբաթվա ընթացքում մտադիր է հանդիպել Պուտինի հետ․ #Axios
580
Երեքշաբթի, 11 մարտի, 2025 թ., 18:09

ԱՄՆ-ի նախագահ Դոնալդ Թրամփի հատուկ բանագնաց Սթիվ Ուիթքոֆը ծրագրում է մարտի 13-ին հանդիպել ՌԴ նախագահ Վլադիմիր Պուտինի հետ, X սոցիալական ցանցում հայտնել է Axios-ի լրագրողը՝ հղում անելով իր աղբյուրին։
«Իրազեկ աղբյուրը հաստատել է Ուիթքոֆի՝ այս շաբաթ ծրագրված այցը Մոսկվա՝ Պուտինի հետ հանդիպելու համար, սակայն ընդգծել է, որ ամեն ինչ դեռ կարող է փոխվել: Հինգշաբթի հնարավոր է Պուտինի հետ հանդիպում Մոսկվայում»,- գրել է նա:
Նախօրեին Bloomberg-ի լրագրողը հայտնել էր, որ Ուիթքոֆը մտադիր է այցելել Մոսկվա՝ հանդիպելու Ռուսաստանի ղեկավարի հետ։

Կրեմլը դեռ չի մեկնաբանել այս տեղեկությունը։
ՌԴ նախագահի մամուլի քարտուղար Դմիտրի Պեսկովն ավելի վաղ հայտարարել էր, որ Ռուսաստանի և ԱՄՆ-ի միջև շփումներն առանձին գերատեսչությունների գծով շարունակվում են և վերջին շրջանում ակտիվացել են։

ՌԴ ԱԳՆ խոսնակ Մարիա Զախարովան, «ՌԻԱ Նովոստի»-ին մեկնաբանելով Ուիթքոֆի՝ Մոսկվա ծրագրված այցի մասին ԶԼՄ-ների հաղորդագրությունները, հայտարարել է, որ Ռուսաստանի շփումներն ԱՄՆ-ի հետ ներկայում բավականին ինտենսիվ են։