«Եթե ​​մենք ցանկանայինք միջուկային զենք ստեղծել, ԱՄՆ-ն ​​չէր կարողանա կանգնեցնել մեզ»․ Խամենեի

ԱՄՆ-ն չէր կարողանա կանգնեցնել Իրանին, եթե նա իսկապես ցանկանար միջուկային զենք ստանալ:

Այս մասին հայտարարել է Իրանի Իսլամական Հանրապետության գերագույն առաջնորդ այաթոլլա Ալի Խամենեին։

«Նրանք (ԱՄՆ-ն) ասում են՝ մենք թույլ չենք տա Իրանին միջուկային զենք ստանալ: Եթե ​​մենք իսկապես ցանկանայինք միջուկային զենք ստեղծել, Ամերիկան ​​չէր կարողանա կանգնեցնել մեզ»,- Խամենեիի խոսքերն է մեջբերում ISNA լրատվական գործակալությունը։

«Այն, որ մենք միջուկային զենք չունենք և չենք ուզում, պատճառն այն է, որ մենք չենք դա ուզում՝ ինչ-ինչ պատճառներով, այդ պատճառների մասին մենք արդեն խոսել ենք, քննարկել։ Մենք ինքներս չէինք ցանկանում անել դա, և եթե նույնիսկ ցանկանայինք, նրանք չէին կարողանա մեզ կանգնեցնել»,- նշել է Իրանի գերագույն առաջնորդը։