«Հայաստանին մատակարարվող ավերիչ զենքերն ուղղված են մեր դեմ»․ Ալիև

Հայաստանին մատակարարվող ավերիչ զենքերն ուղղված են մեր դեմ: Թերևս այսօր դրանք այլ տեղ են պետք։ Բայց այդ զենքերն ուղարկվում են Հայաստան։ Այս մասին հայտարարել է Ադրբեջանի նախագահ Իլհամ Ալիևը՝ ելույթ ունենալով Բաքվի XII գլոբալ ֆորումի բացման արարողության ժամանակ։

Բաքուն պարբերաբար հայտարարում է, թե «Հայաստանի սպառազինության քաղաքականությունը լուրջ սպառնալիք է տարածաշրջանային կայունության համար»։

Պաշտոնական Երևանը հակադարձում է՝ նշելով, որ մարտունակ բանակ ունենալը երկրի ինքնիշխան իրավունքն է։