«Զելենսկին և ՆԱՏՕ-ի եվրոպական երկրները խաղաղություն չեն ցանկանում». Զախարովա

Վլադիմիր Զելենսկին և ՆԱՏՕ-ի եվրոպական երկրները, որոնք աջակցում են նրան, խաղաղություն չեն ցանկանում։ Այս մասին ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

«Ցավով ենք նշում, որ Եվրոպայում որոշ քաղաքական ուժեր շարունակում են խաթարել նոր ձևավորվող գործընթացը, որը երկարաժամկետ հեռանկարում կարող է հանգեցնել կարգավորման: Բայց նույնիսկ հիմա «խաղաղություն», «կարգավորում» բառերն անգամ, ստիպում են նրանց ատամներ կրճտացնել, քանի որ նրանց հիմնական նպատակը, իհարկե, իրավիճակի սրումն ու կոտորածն է»,- նշել է դիվանագետը։

Ավելի վաղ Ուկրաինայի նախագահ Վլադիմիր Զելենսկին հայտարարել էր, որ Ուկրաինան խաղաղություն է ուզում, և որ ինքը շատ լուրջ է տրամադրված այս հարցում։

«Այժմ ամեն ինչ կախված է Ռուսաստանից»,- շեշտել էր Զելենսկին։