«Ռուսաստանը համաձայն է ռազմական գործողությունները դադարեցնելու առաջարկությունների հետ». Պուտին

Ռուսաստանը համաձայն է առաջարկությունների հետ՝ դադարեցնելու ռազմական գործողությունները Ուկրաինայում, բայց այն պետք է բերի երկարատև խաղաղություն և վերացնի ճգնաժամի նախնական պատճառները, ասել է նախագահ Վլադիմիր Պուտինը:

«Մենք համաձայն ենք ռազմական գործողությունները դադարեցնելու առաջարկների հետ, բայց մենք ելնում ենք այն փաստից, որ այս դադարեցումը պետք է լինի երկարատև խաղաղության գրավական և կվերացնի այս ճգնաժամի նախնական պատճառները»,- ասել է Պուտինը:

Խոսելով զինադադարին Ուկրաինայի համաձայնության մասին՝ Պուտինը հայտարարել է, որ կողքից կարող է թվալ, թե Սաուդյան Արաբիայում բանակցությունների ժամանակ Ուկրաինան եղել է ամերիկյան ճնշման տակ, այնինչ իրականում Ուկրաինան, ելնելով մարտի դաշտում տիրող իրադրությունից, պետք է համառորեն խնդրեր ԱՄՆ-ին դրա մասին: