«Թրամփի նամակը ստացել ենք երեկ երեկոյան»․ Իրանի ԱԳՆ

Իրանը որոշում կկայացնի՝ ինչ պատասպան տալ ԱՄՆ նախագահ Դոնալդ Թրամփի նամակին՝ փաստաթղթի ամբողջական գնահատման և վերանայման գործընթացի ավարտից հետո, հայտարարել է Իրանի ԱԳՆ խոսնակ Իսմայիլ Բաղային։
Չորեքշաբթի իրանական SNN լրատվական գործակալությունը հայտնել է, որ ԱՄԷ նախագահի դիվանագիտական ​​խորհրդական Անվար Գարգաշը պաշտոնական այցով Թեհրանում հանդիպել է Իրանի արտգործնախարար Աբբաս Արաքչիին և նրան փոխանցել Թրամփի նամակը։

«Նամակը ստացել ենք երեկ երեկոյան և այժմ այն քննարկման փուլում է... նամակին պատասխանելու վերաբերյալ որոշումը կկայացվի նրա ամբողջական գնահատումից և քննարկումից հետո»,– Բաղայիի խոսքերն է մեջբերում IRNA–ն։
ԱՄՆ նախագահ Դոնալդ Թրամփը դեռևս մարտի 7-ին ասել էր, որ նամակ է ուղարկել Իրանի գերագույն առաջնորդ Ալի Խամենեիին և կցանկանար Թեհրանի հետ համաձայնության գալ միջուկային ծրագրի շուրջ։