Երկուշաբթի, 22 դեկտեմբերի, 2025 թ.
|
Ստեփանակերտում`   +5 °C

«30-օրյա հրադադարը պատերազմի ավարտը չէ․ ընտրություններ չեն լինի»․ Զելենսկու գրասենյակ

«30-օրյա հրադադարը պատերազմի ավարտը չէ․ ընտրություններ չեն լինի»․ Զելենսկու գրասենյակ
757
Ուրբաթ, 14 մարտի, 2025 թ., 13:33

Ուկրաինայի նախագահի աշխատակազմի ղեկավարի խորհրդական Միխայլո Պոդոլյակը Le Repubblica-ին հայտնել է, որ 30-օրյա հրադադարը չի նշանակում պատերազմի ավարտ, և, հետևաբար, ռազմական դրության վերացումն ու ընտրությունների անցկացումն անհնար է։

«Իրավիճակն անկանխատեսելի է լինելու. Պահանջվելու են բանակցություններ և վստահելի դիտորդներ, որոնք կարող են արձանագրել հրադադարի խախտումները։ Մենք պետք է պահպանենք մարտունակությունը, քանի դեռ իրավիճակը չի կարգավորվել»,- ընդգծել է նա։

Պոդոլյակի խոսքով՝ անկայուն իրավիճակում անհնար է երաշխավորել ընտրատեղամասերի անվտանգությունն ու նախընտրական քարոզարշավը, իսկ 30-օրյա հրադադարը ընտրությունների հնարավորություն չի ստեղծի։

Պոդոլյակը հավելել է, որ եթե հրադադարը լինի կայուն և երաշխավորվի չեզոք դիտորդների կողմից, ընտրությունների անցկացումը հնարավոր կլինի։