Ուրբաթ, 11 հուլիսի, 2025 թ.
|
Ստեփանակերտում`   +19 °C

«ԱՄՆ-ն ծանուցել է ԵՄ-ին ՌԴ-ի հետաքննությամբ զբաղվող խմբից դուրս գալու մասին»․ #NYT

«ԱՄՆ-ն ծանուցել է ԵՄ-ին ՌԴ-ի հետաքննությամբ զբաղվող խմբից դուրս գալու մասին»․ #NYT
1277
Երկուշաբթի, 17 մարտի, 2025 թ., 10:50

ԱՄՆ արդարադատության նախարարությունը նախազգուշացրել է եվրոպացի պաշտոնյաներին, որ Վաշինգթոնը դուրս է գալիս միջազգային խմբից, որը հետաքննություն է անցկացնում, այդ թվում Ռուսաստանի ղեկավարության նկատմամբ՝ ուկրաինական հակամարտության համատեքստում, գրում է New York Times-ը՝ հղում անելով աղբյուրներին։
«Արդարադատության նախարարությունը (ԱՄՆ) գաղտնի տեղեկացրել է եվրոպացի պաշտոնյաներին, որ ԱՄՆ-ն դուրս է գալիս միջազգային խմբից, որը ստեղծվել է քաղաքական առաջնորդների նկատմամբ հետաքննություն վարելու համար (Ուկրաինայի հակամարտության համատեքստում)»,- ասվում է թերթում հրապարակված հայտարարության մեջ։

Ըստ թերթի աղբյուրների՝ ԱՄՆ իշխանությունները հայտարարել են, որ լքում են խումբը՝ ռեսուրսների վերաբաշխման անհրաժեշտության պատճառով։ Թրամփի վարչակազմը կրճատում է նաև Արդարադատության նախարարության թիմի գործունեությունը, որը համագործակցում է Ուկրաինայի դատախազների և իրավապահ մարմինների ներկայացուցիչների հետ։

Բացի այդ, ինչպես նշում է թերթը, այս խումբը հետաքննություն էր անցկացնում Բելառուսի, ԿԺԴՀ-ի և Իրանի ղեկավարության նկատմամբ։ Վաշինգթոնը խմբին միացել էր 2023թ.։