ԱՄՆ-ում փոթորկի զոհերի թիվը հասել է 40-ի

1530

Երկուշաբթի, 17 մարտի, 2025 թ., 12:51

Միացյալ Նահանգներում վերջին երեք օրերի ընթացքում հարյուրավոր փոթորիկներ, պտտահողմեր են մոլեգնել, որոնց զոհերի թիվը հասել է առնվազն 40-ի։

Այս մասին հաղորդում է NBC News-ը։ Փոթորիկները մոլեգնել են Միսսուրի, Արքանզաս, Թեխաս, Օքլահոմա, Քանզաս, Ալաբամա և Միսիսիպի նահանգներում։ Բացի զոհերից, ավելի քան հարյուր մարդ վիրավորվել է, հարյուր հազարավոր մարդիկ մնացել են առանց էլեկտրականության, վնասվել են տներ։

Փոթորկի պատճառով Օքլահոմայում նաև անտառային հրդեհներ են մոլեգնում։ ԱՄՆ նախագահ Դոնալդ Թրամփը հայտարարել է, որ հետևում է փոթորկի հետ կապված իրավիճակին։ Նրա խոսքով՝ Արքանզաս են ուղարկվել Ազգային գվարդիայի զինվորները։