«3 կարմիր գիծ». Սիբիհան նշել է ապագա բանակցությունների պայմանները

Ուկրաինայի արտգործնախարար Անդրեյ Սիբիհան երեք «կարմիր գիծ» է նշել Ուկրաինայի համար՝ պատերազմի ավարտի շուրջ ցանկացած ապագա բանակցություններում:
«Ինձ դուր չի գալիս այս սահմանումը («կարմիր գծեր»): Կան առանցքային կետեր, որոնք չեն քննարկվում»,- ասել է նա RBC-Ukraine-ին տված հարցազրույցում։
Սիբիհան որպես առաջին «կարմիր գիծ» անվանել է Ուկրաինայի տարածքային ամբողջականությունն ու ինքնիշխանությունը՝ ընդգծելով, որ Կիևը երբեք չի ճանաչի Ռուսաստանի կողմից գրավված տարածքները։

Նախարարն ընդգծել է, որ ոչ մի երկիր իրավունք չունի արգելք դնել ուկրաինայի ժողովրդին՝ ԵՄ-ին կամ ՆԱՏՕ-ին անդամակցելու հարցում՝ «սա երկրորդ կարմիր գիծն է»։

Բացի այդ, Ուկրաինայի ԱԳՆ-ի ղեկավարը հավելել է, որ Ուկրաինայի պաշտպանունակության սահմանափակումներ չեն կարող լինել։

«Այսպիսով, սրանք այն հիմնարար հարցերն են, որոնց մասին գիտեն մեր գործընկերները: Բացի այդ, Ռուսաստանը պետք է պատասխանատվության ենթարկվի։ Սրանք բոլորը համապարփակ խաղաղության տարրերն են և արտացոլում են այն մոտեցումները, որոնք արտահայտվում են միջազգային ասպարեզումն մեր դիրքորոշման մեջ»,- նշել է Սիբիհան։

Նա նաև ընդգծել է Կիևի հիմնարար սկզբունքները՝ «ոչինչ Ուկրաինայի մասին՝ առանց Ուկրաինայի» և «ոչինչ Եվրոպայի մասին՝ առանց Եվրոպայի»: