Շաբաթ, 10 մայիսի, 2025 թ.
|
Ստեփանակերտում`   +15 °C

«ՀԱՄԱՍ-ը, հութիներն ու Իրանը իրենց գործողությունների համար կվճարեն»․ Սպիտակ տուն

«ՀԱՄԱՍ-ը, հութիներն ու Իրանը իրենց գործողությունների համար կվճարեն»․ Սպիտակ տուն
382
Երեքշաբթի, 18 մարտի, 2025 թ., 11:39

Սպիտակ տան մամուլի քարտուղար Քերոլայն Լևիթն ասել է, որ Թրամփի վարչակազմին Իսրայելը տեղեկացրել էր Գազայի հատվածում ծրագրված հարվածների վերաբերյալ։ Այս մասին նա հայտնել է Fox News-ին տված հարցազրույցում։

«Թրամփի վարչակազմը և Սպիտակ տունն Իսրայելից տեղեկացվել են Գազայում այսօրվա հարձակումների մասին: Նախագահ Թրամփը հստակ ասել էր՝ Համասը, հութիները, Իրանը և բոլոր նրանք, ովքեր ձգտում են ահաբեկել ոչ միայն Իսրայելին, այլև Միացյալ Նահանգներին, իրենց գործողությունների համար գին կվճարեն»,- հայտնել է Լևիթը:

Ավելի վաղ պաղեստինյան ՀԱՄԱՍ շարժումը հայտարարել էր, որ Իսրայելի վարչապետ Բենիամին Նեթանյահուի կառավարությունը վերսկսել է ագրեսիան Գազայի հատվածում խաղաղ բնակչության դեմ՝ միակողմանի ընդհատելով հրադադարը:

Գիշերվա ընթացքում Գազայի հատվածում իսրայելական ավիահարվածների հետևանքով զոհերի թիվը հասել է 310-ի։