Գազայի հատվածում Իսրայելի հրթիռակոծության հետևանքով ավելի քան 230 մարդ է զոհվել

393

Երեքշաբթի, 18 մարտի, 2025 թ., 09:32

Գազայի հատվածի ուղղությամբ իսրայելական հրթիռակոծության հետևանքով զոհերի թիվը գերազանցել է 230-ը, հայտնում է Al Aqsa հեռուստաալիքը:
«Ըստ նախնական տվյալների՝ ավելի քան 230 մարդ է զոհվել, 350-ը՝ վիրավորվել, որոնց մեծ մասը կանայք և երեխաներ են՝ սիոնիստական (իսրայելական) ավիահարվածների հետևանքով»,- հաղորդում է հեռուստաաալիքը։

Հարվածներն իրականացվել են Գազա, Դեյր էլ Բալահ, Խան Յունիս և Ռաֆահ քաղաքների ուղղությամբ, հայտնում է Reuters-ը։

Նշվում է, որ այս անգամ իսրայելական հարվածները սովորականից ավելի ուժգին էին:

«Իսրայելը վերսկսել է ռազմական գործողությունները Գազայի հատվածում»,- երեկոյան հայտնել էր Իսրայելի վարչապետ Բենիամին Նեթանյահուի գրասենյակը։
«Դա տեղի ունեցավ այն բանից հետո, երբ ՀԱՄԱՍ-ը հրաժարվեց ազատ արձակել մեր պատանդներին և մերժեց ԱՄՆ նախագահի հատուկ ներկայացուցիչ Սթիվ Ուիթքոֆից և միջնորդներից ստացված բոլոր առաջարկները»,- ասվում է հայտարարության մեջ: