Երկուշաբթի, 22 դեկտեմբերի, 2025 թ.
|
Ստեփանակերտում`   +6 °C

Մասկի վարչությունը 3,2 միլիոն մահացած «նպաստառու» է հայտնաբերել

Մասկի վարչությունը 3,2 միլիոն մահացած «նպաստառու» է հայտնաբերել
877
Երեքշաբթի, 18 մարտի, 2025 թ., 15:57

ԱՄՆ սոցիալական ապահովության վարչությունը որոշել է թարմացնել իր շտեմարանի տվյալները, երբ պարզվել է, որ համակարգում գրանցված են 120-ից 369 տարեկան միլիոնավոր ամերիկացիներ։ Այս մասին հայտնել է ԱՄՆ կառավարության արդյունավետության նախարարությունը (DOGE), որը ղեկավարում է ձեռնարկատեր Իլոն Մասկը։

«Վերջին երկու շաբաթվա ընթացքում Սոցիալական ապահովության վարչությունը ստուգումներ է սկսել: 120 տարեկանից բարձր (սոցիալական ապահովության) համարանիշ ունեցող մոտ 3,2 միլիոն մարդ այժմ գրանցված է որպես «մահացած»: Դեռ շատ աշխատանք կա անելու»,- նշված է DOGE-ի գրառման մեջ:

Փետրվարի վերջին Մասկը քննադատել էր ԱՄՆ սոցիալական ապահովության համակարգը՝ այն անվանելով «պատմության մեջ հնարավոր ամենամեծ խարդախությունը»: Մասկը կատակել էր, որ նպաստների շահառուները «վամպիրներ» են։