Չորեքշաբթի, 02 հուլիսի, 2025 թ.
|
Ստեփանակերտում`   +20 °C

Թրամփը պնդում է, որ Իրանը պետք է ամբողջությամբ դադարեցնի հութիներին աջակցությունը

Թրամփը պնդում է, որ Իրանը պետք է ամբողջությամբ դադարեցնի հութիներին աջակցությունը
1151
Չորեքշաբթի, 19 մարտի, 2025 թ., 21:39

ԱՄՆ-ի նախագահ Դոնալդ Թրամփը կարծում է, որ Իրանը պետք է ամբողջությամբ դադարեցնի Եմենի «Անսար Ալլահ» ապստամբ շարժման անդամ հութիներին աջակցելը։

«Կան տեղեկություններ, որ թեև Իրանը նվազեցրել է հութիներին իր ռազմական և ընդհանուր աջակցության ինտենսիվությունը, մատակարարման մակարդակը դեռևս բարձր է: Իրանը պետք է անհապաղ դադարեցնի այդ մատակարարումները: Թող հութիներն ինքնուրույն պայքարեն»,- գրել է ամերիկացի առաջնորդը X-ում՝ հավելելով, որ հութիները «կպարտվեն ցանկացած ձևով, բայց այսպես արագ կլինի»:

Թրամփն ասել է, որ Եմենի ապստամբներն արդեն «ահռելի վնասներ» են կրել, և իրավիճակը «միայն կվատթարանա»։ «Նրանք ամբողջությամբ կկործանվեն»,- եզրափակել է ամերիկացի առաջնորդը։

Ավելի վաղ Թրամփը հայտարարել էր, որ իբր Իրանը կանգնած է Անսար Ալլահի հարձակումների հետևում, և առաջարկել է, որ եթե նրանք նոր հարձակումներ իրականացնեն, ապա ԱՄՆ-ի զինված ուժերը չեն սահմանափակվի միայն ապստամբներին հարվածներ հասցնելով։ Ինչպես նշվում է ՄԱԿ-ում Իրանի մշտական ​​ներկայացուցիչ Ամիր Սաիդ Իրավանիի՝ ՄԱԿ-ի Անվտանգության խորհրդի նախագահին և միջազգային կազմակերպության գլխավոր քարտուղարին ուղղված նամակում, Թեհրանը դատապարտում է ԱՄՆ-ի ռազմատենչ հռետորաբանությունը և կտրականապես մերժում Հութիների հարձակումներին Իրանի ենթադրյալ մասնակցության մասին Թրամփի հայտարարությունները։