Թրամփն ու Զելենսկին քննարկել են ուկրաինական ատոմակայանները ԱՄՆ-ի տնօրինությանը հանձնելու հնարավորությունը

ԱՄՆ-ն կարող է օգնել Ուկրաինային իր ատոմակայանների շահագործման հարցում: Այս մասին ասվում է ԱՄՆ-ի պետքարտուղար Մարկո Ռուբիոյի և ազգային անվտանգության հարցերով խորհրդական Մայք Վալցի համատեղ հայտարարության մեջ՝ ԱՄՆ-ի նախագահ Դոնալդ Թրամփի և Վլադիմիր Զելենսկու հեռախոսազրույցից հետո։

«Նախագահ Թրամփը քննարկել է նաև Ուկրաինայում էլեկտրամատակարարման և ատոմակայանների հարցերը։ Նա ասել է, որ Միացյալ Նահանգները կարող է մեծ աջակցություն ցուցաբերել այդ կայանների շահագործման հարցում՝ օգտագործելով էլեկտրաէներգիայի և կոմունալ ծառայությունների ոլորտում իր փորձը։