ԱՄՆ-ն հրթիռակոծում է Սանան

1902

Հինգշաբթի, 20 մարտի, 2025 թ., 00:51

ԱՄՆ զինուժը մի շարք հարվածներ է հասցրել Եմենի մայրաքաղաք Սանային, որը գտնվում է հութիների վերահսկողության տակ։ Այս մասին հայտնում է հութիներին պատկանող Al Masirah հեռուստաալիքը։

Նրա պնդմամբ՝ ամերիկացի զինվորականներն օդից հարձակվել են Աս-Սաուրա շրջանում միջոցառումների համար կառուցվող սրահի վրա։

Գնդակոծության հետևանքով շենքում հրդեհ է բռնկվել, վնասվել են նաև հարակից շինությունները։ Դեպքի վայրում աշխատում են փրկարարական խմբերը։

Զոհերի մասին տեղեկություններ չկան։

Ավելի վաղ հեռուստաալիքը հայտնել էր, որ ԱՄՆ-ն հարվածներ է հասցրել Եմենի հյուսիս-արևմուտքում գտնվող Սաադա նահանգին, որտեղ կարող են թաքնված լինել «Անսար Ալլահ»-ի առաջնորդները։