Գազայի հատվածում հիվանդանոցին հարվածելու հետևանքով ՀԱՄԱՍ-ի պաշտոնյա է զոհվել

Իսրայելի պաշտպանության բանակը հարվածներ է հասցրել Գազայի հատվածի հարավում գտնվող Նասերի հիվանդանոցին։ Այս մասին հայտնում է Al Jazeera-ն։

«Իսրայելցի զինվորականները հարվածում են Նասեր բժշկական համալիրի վիրաբուժական շենքին, որտեղ կան բազմաթիվ հիվանդներ և վիրավորներ»,- ասվում է լրատվամիջոցի Telegram ալիքում։
Հաղորդվում է, որ հիվանդանոցի վրա իսրայելական օդային հարվածի հետևանքով զոհվել է առնվազն երկու մարդ, այդ թվում՝ ՀԱՄԱՍ-ի բարձրաստիճան պաշտոնյա և 16-ամյա տղա, հայտնել են առողջապահության ոլորտի պաշտոնյաները:

Ավելի ուշ ՀԱՄԱՍ-ը հաստատել է, որ ՀԱՄԱՍ-ի քաղաքական բյուրոյի անդամ Իսմայիլ Բարհումը սպանվել է Նասեր հիվանդանոցում բուժում ստանալու ժամանակ: