«ԵՄ-ի գործադիր մարմիններից արձագանք եղե՞լ է այս նախագծի հետ կապված». Արմեն Գևորգյան

«Եվրոպական Միությանը Հայաստանի Հանրապետության անդամակցելու գործընթացի մեկնարկի մասին» օրենքի նախագիծը դրական եզրակացություն ստացավ ԱԺ եվրոպական ինտեգրման հարցերի հանձնաժողովի արտահերթ նիստում: Այն կընդգրկվի վաղվանից մեկնարկող ԱԺ նիստերի օրակարգում: Մինչ քվեարկությունը, ընդդիմադիր խմբակցության պատգամավոր Արմեն Գևորգյանը հարցրել էր. «Այս ընթացքում ԵՄ-ի գործադիր մարմիններից արձագանք եղե՞լ է այս նախաձեռնության հետ կապված»: «Պաշտոնական արձագանքը միայն ՀՀ-ԵՄ խորհրդարանական համագործակցության կոմիտեի ընդունած փաստաթղթերում էր»,- արձագանքել էր ՀՀ ԱԳ փոխնախարար Պարույր Հովհաննիսյանը՝ հավելելով, որ «Բրյուսելում, ըստ երևույթի, սպասում են նախագծի՝ երկրորդ ընթերցմամբ քվեարկությանը, որից հետո պետք է ակնկալել արձագանք»: