«Էր Ռիադում քննարկվում է սևծովյան նախաձեռնության թեման»․ Պեսկով

Էր-Ռիադում մեկնարկել են ՌԴ-ի և ԱՄՆ-ի միջև բանակցությունները, որոնց հիմնական թեման Սև ծովում նավարկության անվտանգության վերաբերյալ նախաձեռնության մանրամասներն են։ Այս մասին հայտնել է ՌԴ նախագահի մամուլի քարտուղար Դմիտրի Պեսկովը։

Բանակցություններին ՌԴ-ն ներկայացնում են Դաշնային խորհրդի միջազգային կոմիտեի ղեկավար Գրիգորի Կարասինը և ԱԴԾ տնօրենի խորհրդական Սերգեյ Բեսեդան։

«Սևծովյան նախաձեռնության իմաստը, որը քննարկում են Ռուսաստանը և Միացյալ Նահանգները, նավագնացության անվտանգությունն է»,- ասել է Պեսկովը։

Նշված նախաձեռնությունը քննարկվել է նաև նախագահներ Վլադիմիր Պուտինի և Դոնալդ Թրամփի վերջին հեռախոսազրույցի ժամանակ։

Միաժամանակ, Կրեմլը չի բացառել, որ Էր Ռիադի բանակցություններում, բացի սևծովյան նախաձեռնությունից, կարող են քննարկվել ուկրաինական կարգավորմանն առնչվող այլ հարցեր: