«Ցույցերի չորս օրվա ընթացքում ավելի քան 1100 մարդ է ձերբակալվել»․ Թուրքիայի ՆԳՆ

684

Երկուշաբթի, 24 մարտի, 2025 թ., 15:39

Թուրքիայում Ստամբուլի քաղաքապետ Էքրեմ Իմամօղլուի կալանքի դեմ բողոքի ցույցերի չորս օրվա ընթացքում ավելի քան 1100 ցուցարար է բերման ենթարկվել, 123 ոստիկան վիրավոր է։ Այս մասին հայտնել է այդ երկրի Ներքին գործերի նախարար Ալի Երլիքայան։

«2025 թվականի մարտի 19-ից մարտի 23-ն ընկած ժամանակահատվածում ապօրինի գործողություններ կատարելու մեջ կասկածվող 1133 անձ բերման է ենթարկվել։ Բացահայտվել են ահաբեկչական 12 կազմակերպությունների հետ առնչություն ունեցող անձինք»,- գրել է նախարարը՝ X-ում։