Իսրայելը հարվածել է սիրիական ռազմական օբյեկտներին

Իսրայելի պաշտպանության բանակը Telegram-ի իր ալիքում հայտնել է, որ հարվածներ է հասցրել սիրիական հենակետերի ռազմական օբյեկտներին։
«Քիչ առաջ Իսրայելի պաշտպանության բանակը հարվածներ է հասցրել սիրիական Թադմոր և T4 ռազմակայաններում գտնվող ռազմական օբյեկտներին: Իսրայելական բանակը կշարունակի գործել Իսրայել պետության քաղաքացիներին սպառնացող ցանկացած վտանգ վերացնելու համար»,- ասվում է բանակի հայտարարության մեջ:
Անցյալ տարվա դեկտեմբերին Դամասկոսում տեղի ունեցած իշխանափոխությունից հետո իսրայելական բանակը սկսել է հարվածներ հասցնել սիրիական նախկին բանակի ռազմական օբյեկտներին։ Զանգվածային հարվածների են ենթարկվել Սիրիայի տարբեր նահանգներում տեղակայված զինապահեստները, ռազմական օդանավակայանները և ՀՕՊ համակարգերը։

Իսրայելական օդուժն ավելի վաղ հարվածներ էր հասցրել Պալմիրայի ռազմական օդանավակայանին և սիրիական ռազմաօդային ուժերի բազային, որը գտնվում է Պալմիրայի և Հոմսի միջև: