«Ադրբեջանի հետ պետք է շարունակենք բանակցել․ այլընտրանք չկա»․ Արարատ Միրզոյան

ՀՀ արտգործնախարար Արարատ Միրզոյանն իրանցի պաշտոնակցի հետ ասուլիսի ժամանակ հիշեցրել է, որ Խաղաղության համաձայնագրի տեքստի համաձայնեցումից հետո Հայաստանն Ադրբեջանին առաջարկել է խորհրդակցություններ սկսել՝ որոշելու փաստաթղթի ստորագրման ամսաթիվն ու վայրը։

«Այս պահին պաշտոնական Բաքվի կողմից նման պատրաստակամություն չենք լսել, խաղաղության պայմանագրի ստորագրման համար Ադրբեջանն այլ նախապայմաններ է պատկերացնում»,- հայտնել է ՀՀ ԱԳ նախարարը՝ նշելով, որ պետք է շարունակենք աշխատել, բանակցել և գտնել փոխընդունելի, արժանապատիվ լուծումներ, որոնք կապահովեն կայուն խաղաղություն։

«Այլընտրանք պարզապես չկա։ Այս պահին, այո, չկա հասկացողություն, թե որտե՞ղ և ե՞րբ պետք է ստորագրվի համաձայնագիրը։ Մենք պատրաստ ենք հնարավորինս արագ ներգրավվել այդ գործընթացին և դնել մեր ստորագրությունը»,- նշել է Միրզոյանը։