«Երբեք չեմ մասնակցել որևէ քարոզարշավի, ես զբաղվում եմ իմ գործով». Արթուր Ալեքսանյան

Արդեն մի քանի օր է, ինչ սոցիալական ցանցերում քննարկվում է հունահռոմեական ոճի հայտնի ըմբշամարտիկ, աշխարհի բազմակի չեմպիոն, օլիմպիական խաղերի մեդալակիր Արթուր Ալեքսանյանի և Գյումրու քաղաքապետի թեկնածու Սարիկ Մինասյանի լուսանկարը։
Այդ առիթով գյումրեցի մարզիկը գրառում է կատարելով Instagram-ի «սթորի» բաժնում։
«Անկեղծ ասած, իմ այս երկար ու ձիգ տարիների ընթացքում, ես երբեք չեմ մասնակցել որևէ քարոզարշավի, իմ սպորտային նկարագիրը կոփել է նաև կամքս, ես զբաղվում եմ իմ գործով։
Նկարի հետ կապված կասեմ, որ սույն թվականի մարտի 11-ին, երբ քարոզարշավը դեռ չէր մեկնարկել, ՏԿԵ նախարարը Գյումրի համայնքի ղեկավարի պաշտոնակատար Սարիկ Մինասյանի հետ այցելել են Գյումրի՝ իմ անվան սպորտային համալիրի շինարարական աշխատանքներին և խնդիրներին ծանոթանալու»,- գրել է մարզիկը։