«Պայմանագրի երկարաձգո՞ւմ, ինչո՞ւ ոչ». Հենրիխ Մխիթարյան

Sky Sport-ի թղթակցի հետ զրույցում Հենրիխ Մխիթարյանը խոսել է իր ապագայի ու ծրագրերի մասին:
«Իմ ցանկությունը բարձր մակարդակով ավարտելն է, այնպիսի ակումբում՝ ինչպես «Ինտերն» է: Այս պահին ես երջանիկ եմ այստեղ, կցանկանայի շարունակել, իսկ հետո կտեսնենք, թե ինչ կլինի։ Եկեք սպասենք մինչև մրցաշրջանի ավարտը և հետո տեսնենք՝ կմնա՞մ, թե՞ գնամ:
...Պայմանագրի երկարաձգումը մինչև 2027 թվակա՞նը: Ինչո՞ւ ոչ, բայց կախված է նրանից, թե ինչ մարզավիճակում կլինեմ և ինչ կարող եմ տալ թիմին»,- Մխիթարյանի խոսքերն է մեջբերում լրատվականը:
36-ամյա Հենրիխ Մխիթարյանի գործող պայմանագիրը միլանյան ակումբի հետ նախատեսված է մինչև 2026թ․ հունիս։