«Շումախերն այևս չի կարողանում բանավոր հաղորդակցվել»․ #DM

1386

Հինգշաբթի, 27 մարտի, 2025 թ., 12:57

«Ֆորմուլա 1» սպորտաձևի աշխարհի յոթնակի չեմպիոն գերմանացի Միխայել Շումախերը ծանր վիճակում է։ Այս մասին, Daily Mail թերթի փոխանցմամբ, հայտարարել է գերմանական RTL հեռուստաալիքի թղթակից Ֆելիքս Գորները։

Լրագրողի խոսքով՝ Շումախերն այլևս չի կարողանում բանավոր շփվել:

«Իրավիճակը շատ տխուր է», - ասել է Գորները, ով համարվում է Շումախերի ընտանիքին ամենամոտ լրագրողներից մեկը։

2013 թվականին, պրոֆեսիոնալ կարիերան ավարտելուց հետո, Շումախերը ֆրանսիական Ալպերում դահուկներով սահելիս ուղեղի ծանր վնասվածք էր ստացել։ Երկար ժամանակ նա գամված էր անկողնուն՝ արհեստական շնչառության սարքին միացված։ Նախկին մրցարշավորդի ընտանիքը մանրամասներ չէր հաղորդում մարզիկի վիճակի մասին։

56-ամյա Շումախերը համարվում է «Ֆորմուլա 1»-ի պատմության մեջ լավագույն ավտոարշավորդներից մեկը: