«ՌԴ-ի և ՀՀ-ի միջև առկա է բազմակողմ քաղաքական երկխոսություն»․ Զախարովա

ՌԴ-ի և ՀՀ-ի ղեկավարները մշատական կապի մեջ են, երկու երկրների միջև առկա է բազմակողմ, քաղաքական երկխոսություն։ Այս մասին ճեպազրույցի ժամանակ հայտնել է ՌԴ ԱԳՆ պաշտոնական ներկայացուցիչ Մարիա Զախարովան։

«Հայաստանի հետ ՌԴ-ի շփումները ներառում են արտգործնախարարների մակարդակով շփումները, միջխորհրդարանական, միջգերատեսչական, մշակույթային ու կրթական ոլորտներում համագործակցությունը», նշել է Զախարովան՝ հիշեցնելով նաև տնտեսական ոլորտում համագործակցությունը, որի արդյունքում երկու երկրների միջև ապրանքնաշրջանառությունն աճել է։

«ՌԴ-ն Հայաստանի հետ համագործակցում է նաև միջազգային հարթակներում, այդ թվում ՄԱԿ-ի շրջանակներում», հավելել է ՌԴ ԱԳՆ ներկայացուցիչը՝ նշելով, որ ՌԴ-ի և ՀՀ-ի միջև կան դեռևս երկկողմ հարաբերություններին վնասող, չլուծված հարցեր, որոնք քննարկման փուլում են։