Մյանմայում երկրաշարժի զոհերի թիվը հասել է 20-ի

1795

Ուրբաթ, 28 մարտի, 2025 թ., 14:45

Մյանմայի երկրաշարժի զոհերի թիվը հասել է 20-ի, հայտնում է NYT-ն։

Ավելի վաղ հաղորդվել էր Մյանմայում տեղի ունեցած հզոր երկրաշարժի մասին։ Ցնցումները զգացվել են նաև հարևան երկրներում։

Թաիլանդում երկրաշարժի հետևանքով տուժել է ավելի քան 50 մարդ։ Մայրաքաղաքում փլուզվել է 30-հարկանի շենք, փլատակների տակ մնացել է ավելի քան 40 աշխատող։ Թաիլանդը դադարեցրել է գործունեությունը ողջ երկրի օդանավակայաններում, մետրոյի և վերգետնյա տրանսպորտի աշխատանքը։

Այսօր տեղի ունեցած երկրաշարժից հետո Բանգկոկում մարդիկ չեն շտապում վերադառնալ իրենց տներն ու գրասենյակները՝ վախենալով հետագա ցնցումներից։