Փարիզում ցուցարարները պատռել են ԵՄ դրոշը

Փարիզի կենտրոնում Ուկրաինային ֆրանսիական զենք մատակարարելու դեմ բողոքի ակցիայի մասնակիցները պատռել են ԵՄ դրոշը, հայտնում է ՏԱՍՍ-ը։

«Սա մեր պատերազմը չէ, Ֆրանսիայի դերը միջնորդ–պետություն լինելն է և խաղաղությանը նպաստելը, այլ ոչ թե պատերազմներ բորբոքելը»,- ասել է Ֆրանսիական «Հայրենասերներ» կուսակցության առաջնորդ Ֆլորիան Ֆիլիպոտը։

Հարյուրավոր ցուցարարներ հավաքվել են Լուվրի մոտ գտնվող Պալե-Ռոյալ հրապարակում։ Այնուհետև մասնակիցները՝ «Չենք մեռնի Ուկրաինայի համար», «Եվրոպան պետք է խրախուսի խաղաղությունը, ոչ թե պատերազմը», «Ֆրանսիացիները խաղաղության կողմնակից են», «Վե՛րջ ՆԱՏՕ–ին», «Մենք հոգնել ենք Եվրամիությունից» գրությամբ պաստառներով շարժվել են դեպի Սենայի մյուս ափ։