Հինգշաբթի, 29 հոկտեմբերի, 2026 թ.
|
Ստեփանակերտում`   +10 °C

«Զելենսկին շատ մեծ խնդիրներ կունենա՝ գործարքից հրաժարվելու դեպքում»․ Թրամփ

«Զելենսկին շատ մեծ խնդիրներ կունենա՝ գործարքից հրաժարվելու դեպքում»․ Թրամփ
897
Երկուշաբթի, 31 մարտի, 2025 թ., 09:45

ԱՄՆ նախագահ Դոնալդ Թրամփը հայտարարել է, որ Ուկրաինայի նախագահ Վլադիմիր Զելենսկին ուզում է հետ կանգնել հանքանյութերի վերաբերյալ գործարքից։ Թրամփի խոսքով՝ Զելենսկին «մեծ անախորժության» մեջ կհայտնվի, եթե հրաժարվի գործարքից։

«Նա փորձում է հետ կանգնել հազվագյուտ մետաղների վերաբերյալ գործարքից, այդ դեպքում խնդիրներ կունենա, շատ մեծ խնդիրներ»,- Թրամփի խոսքերն է մեջբերում Reuters-ը։

«Նա ցանկանում է լինել ՆԱՏՕ-ի անդամ, բայց երբեք չի լինի: Եվ նա հասկանում է դա»,- ասել է ԱՄՆ նախագահը։

Անցյալ շաբաթ միջազգային լրատվամիջոցները հայտնել էին, որ ԱՄՆ-ն Կիևին ներկայացրել է նորացված համաձայնագրի նախագիծը, որն ԱՄՆ-ին թույլ կտա գրեթե ամբողջությամբ վերահսկել Ուկրաինայի բոլոր հանքային ռեսուրսները՝ առանց Կիևին անվտանգության երաշխիքներ տրամադրելու:

Զելենսկին հաստատել էր, որ Ուկրաինան ստացել է փաստաթուղթը։ Ավելի վաղ հինգշաբթի Փարիզում կայացած մամուլի ասուլիսին նա հայտնել էր, որ գործարքի պայմաններն անընդհատ փոփոխվում են։

Կարդացե՛ք նաև