ՆԱՏՕ-ն լայնածավալ զորավարժություններ է սկսում

ՆԱՏՕ-ի անդամ երկրներն այսօր՝ մարտի 31-ին սկսում են ռազմաօդային ուժերի «Ramstein Flag 2025» լայնածավալ զորավարժությունները, հայտարարել է դաշինքը։

Զորավարժություններին, որոնք կտևեն մինչև ապրիլի 11-ը, ներգրավված կլինի ՆԱՏՕ-ի 15 երկրների 90 ռազմական ինքնաթիռ։ Թռիչքներն իրականացնելու համար կօգտագործվեն Եվրոպայում ՆԱՏՕ-ի 12 ավիաբազաներ։ Գործողությունները վերահսկվելու են Նիդեռլանդների Leeuwarden ավիաբազայից:

««Ramstein Flag 2025»-ը բազմաֆունկցիոնալ զորավարժություն է, որը նախատեսված է համակցված պատերազմական հմտությունների և հակաօդային ու հակահրթիռային համատեղ պաշտպանության վարժեցման և ցուցադրման համար», հայտնել են Եվրոպայում ԱՄՆ ռազմաօդային ուժերը: