«Հայաստանն իր որոշումներով նպաստել է խաղաղության համաձայնագրի հնարավոր ստորագրմանը»․ Շտայնմայեր

Հայաստանը վերջին շաբաթների ընթացքում շատ կառուցողական դիքորոշմամբ է հանդես եկել խաղաղության համաձայնագրի նախագծի շուրջ համաձայնության հասնելու հարցում։ Այս մասին հայտնել է Գերմանիայի վարչապետ Ֆրանկ-Վալտեր Շտայնմայերը՝ ՀՀ նախագահ Վահագն Խաչատուրյանի հետ համատեղ մամուլի ասուլիսում։

«Ոչինչ այլևս չի խանգարում խաղաղության համաձայնագրի ստորագրմանը։ Հայաստանն իր որոշումներով հնարավոր է դարձրել դա»,- նշել է Շտայնմայերը՝ հավելելով, որ Հայաստանի համար հեշտ չի եղել այդ ճանապարհը։

ՀՀ նախագահ Վահագն Խաչատուրյանը, իր հերթին, ընդգծել է, որ Հայաստանը հետևողական կլինի Ադրբեջանի հետ խաղաղության հասնելու հարցում։

«Դժվարությունները, որոնք կան և կլինեն, հաղթահարելի են։ Ցանկացած հարց կարելի է լուծել բանակցությունների միջոցով։ Պատերազմի, հակամարտության ժամանակն ավարտվել է»,- նշել է ՀՀ նախագահը՝ մեկնաբանելով ՀՀ-ի և Ադրբեջանի միջև խաղաղության պայմանագրի շուրջ ներկա գործընթացը։