Գերմանիան ներողություն է խնդրել Ադրբեջանից՝ Արցախի դրոշով հրապարակման համար

Բեռլինը ներողություն է խնդրել Բաքվից՝ Գերմանիայի նախագահի սոցցանցերում Արցախի դրոշով հրապարակման համար։

Գերմանիայի նախագահի աշխատակազմի ղեկավար Դյորտե Դինգերն Ադրբեջանի նախագահի օգնական Հիքմեթ Հաջիևին ուղղված նամակում ափսոսանք է հայտնել տեղի ունեցածի կապակցությամբ և ներողություն խնդրել «թյուրիմացության համար, որը կարող էր բացասական արձագանք առաջացնել Ադրբեջանում»։

Հիշեցնենք, որ նախօրեին տարածաշրջանային այցով ՀՀ-ում գտնվող Գերմանիայի նախագահ Ֆրանկ-Վալտեր Շտայնմայերը սոցցանցի իր էջում հրապարակել էր Արցախի դրոշը՝ արցախահայության մասին գրառում կատարելով։

Այս կապակցությամբ Ադրբեջանում ԱՄՆ դեսպան Հարլեմանը կանչվել էր ԱԳՆ։ Շտայնմայերը հեռացրել էր գրառումը։