«Ուկրաինայի հարցում ԱՄՆ-ի առաջարկները շրջանցում են հակամարտության պատճառները»․ Ռյաբկով

Ռուսաստանը լուրջ է մոտենում Ուկրաինայի վերաբերյալ ԱՄՆ-ի առաջարկներին, սակայն չի կարող դրանք ընդունել այն տեսքով, որով այդ առաջարկները ներկայացված են, հայտարարել է ՌԴ փոխարտգործնախարար Սերգեյ Ռյաբկովը։
«Մենք շատ լուրջ ենք վերաբերվում առաջարկվող լուծումներին, բայց նաև չենք կարող ընդունել այդ ամենն այնպես, ինչպես կա: Այդ առաջարկները փորձ են՝ գտնել ինչ-որ սխեմա, որը թույլ կտա մեզ նախ հասնել հրադադարի, ինչպես դա ամերիկացիներն են պատկերացնում»,- բացատրել է Ռյաբկովը:
Այնուհետև պետք է անցում կատարվի որոշ այլ սխեմաների, որոնցում, Ռյաբկովի խոսքով, ներկայումս բացակայում է Ռուսաստանի հիմնական պահանջը, այն է՝ հակամարտության բուն պատճառների հետ կապված խնդիրների լուծումը։

«Սա իսպառ բացակայում է, և դա պետք է հաղթահարել»,- նշել է դիվանագետը։
Մոսկվան այս հարցում ունի իր առաջնահերթություններն ու ու մոտեցումները, որոնք մշակվել և մշակվում են, այդ թվում՝ Էր Ռիադում բանակցային թիմի կողմից»,- ամփոփել է փոխնախարարը։