Շաբաթ, 10 մայիսի, 2025 թ.
|
Ստեփանակերտում`   +15 °C

«Շուտով կլինի Իրանի վրա ամենամեծ հարձակումը պատմության մեջ». իսրայելական հեռուստաընկերություն

«Շուտով կլինի Իրանի վրա ամենամեծ հարձակումը պատմության մեջ». իսրայելական հեռուստաընկերություն
794
Չորեքշաբթի, 02 ապրիլի, 2025 թ., 00:02

Իսրայելի «14» հեռուստաալիքը հեռարձակել է մի հոլովակ, որում խոսվում է երկրի՝ Իրանի դեմ խոշոր ռազմական գործողության նախապատրաստության մասին: Լրագրողների կարծիքով՝ սպասվող հարձակումը կլինի ամենամեծը Երկրորդ համաշխարհային պատերազմից ի վեր։
Շուտով կսկսվի լայնածավալ հարձակում Իրանի վրա, որն աննախադեպ է լինելու Երկրորդ համաշխարհային պատերազմից ի վեր, ասել է հաղորդավարը հեռարձակման ժամանակ։

Հեռարձակման ընթացքում ցուցադրվել են նաև Իրանի տարածքում գտնվող օբյեկտներ, որոնց վրա ծրագրվում է հարձակվել: Հաղորդավարները չեն նշել օպերացիայի ճշգրիտ ժամանակը, սակայն նշել են, որ դրա նախապատրաստական ​​աշխատանքները վերջին փուլում են։ Հայտնի չէ՝ օգտագործվելու են բացառապես իսրայելական զորքեր, թե կարող է ներգրավվել ԱՄՆ-ի օգնությունը։

Ավելի վաղ հաղորդվել էր, որ ԱՄՆ-ի նախագահ Դոնալդ Թրամփն սպառնացել է Իրանին «աննախադեպ ռմբակոծություններով», եթե Թեհրանը չհամաձայնի ստորագրել միջուկային ծրագրի և դրա զարգացման վերաբերյալ համաձայնագիրը։ Ամերիկացի առաջնորդի խոսքով՝ ԱՄՆ-ն ու Իրանը ներկայումս բանակցում են այս հարցի շուրջ։

Ավելի վաղ հաղորդվել էր, որ Թրամփը նամակ է հղել Իրանի առաջնորդ այաթոլլա Ալի Խամենեիին՝ միջուկային գործարքի շուրջ բանակցություններ վարելու առաջարկով։ Նա նշել է, որ եթե Թեհրանը չհամաձայնի գործարքի, ԱՄՆ-ը կդիմի անհրաժեշտ միջոցների։