«Ռազմական առճակատումն անխուսափելի է՝ առանց Իրանի հետ նոր միջուկային համաձայնագրի». Բարրո

Ֆրանսիայի արտգործնախարար Ժան-Նոել Բարրոն զգուշացրել է, որ եթե միջուկային ծրագրի շուրջ Իրանի հետ նոր համաձայնագիրը ձախողվի, ապա ռազմական բախումը «գրեթե անխուսափելի» կդառնա։

«Մեր համոզմունքն անփոփոխ է՝ Իրանը երբեք չպետք է ձեռք բերի միջուկային զենք», ասել է Բարրոն։

«Մեր առաջնային նպատակը համաձայնություն ձեռք բերելն է, որը մնայուն կերպով սահմանափակելու է Իրանի միջուկային ծրագիրը»,- հավելել է նա։
Հունվարից ԱՄՆ նախագահ Դոնալդ Թրամփը վերականգնել է իր «առավելագույն ճնշման» քաղաքականությունն Իրանի նկատմամաբ։

Արևմտյան երկրները, այդ թվում՝ ԱՄՆ-ն, Իրանին մեղադրում են միջուկային զենք ձեռք բերելու մեջ, սակայն Թեհրանը մերժում է դա՝ պնդելով, որ միջուկային հարստացման իր գործողությունները միայն խաղաղ նպատակների համար են։