Շաբաթ, 04 հուլիսի, 2026 թ.
|
Ստեփանակերտում`   +24 °C

«Իրանի վրա առավելագույն ճնշում գործադրելու փորձը կձախողվի»․ Արաղչի

«Իրանի վրա առավելագույն ճնշում գործադրելու փորձը կձախողվի»․ Արաղչի
941
Չորեքշաբթի, 05 փետրվարի, 2025 թ., 16:02

Իրանի վրա առավելագույն ճնշում գործադրելու ԱՄՆ նախագահ Դոնալդ Թրամփի նոր փորձը կձախողվի, ինչպես դա տեղի ունեցավ նրա նախորդ պաշտոնավարման ժամկետում։ Այս մասին հայտարարել է Իրանի ԱԳ նախարար Աբբաս Արաղչին։

«Առավելագույն ճնշումը ձախողված փորձ է, և այն նորից կիրառելը կհանգեցնի մեկ այլ ձախողման»,- SNN-ի եթերում ասել է Արաղչին՝ մեկնաբանելով Թեհրանի վրա Վաշինգթոնի առավելագույն ճնշումը վերականգնելու մասին Թրամփի հրամանագիրը:

«Եթե հիմնական խնդիրն այն է, որ Իրանը չձգտի միջուկային զենքի, ապա դրան կարելի է հասնել»,- հավելել է նա։

Ավելի վաղ ԱՄՆ նախագահ Դոնալդ Թրամփն Իրանի նկատմամբ առավելագույն ճնշում կիրառելու մասին հրամանագիր է ստորագրել՝ նավթի արտահանումը զրոյացնելու, Թեհրանի կողմից միջուկային զենք ձեռք բերելու գործընթացը կասեցնելու նպատակով։