«ԱՄՆ-ն կմնա ՆԱՏՕ-ում»․ Ռուբիո

718

Հինգշաբթի, 03 ապրիլի, 2025 թ., 14:15

ԱՄՆ պետքարտուղար Մարկո Ռուբիոն հայտնել է, որ ԱՄՆ-ն կշարունակի ակտիվ դերակատարում ունենալ ՆԱՏՕ-ում, Վաշինգթոնը ցանկանում է, որ դաշինքն ավելի ուժեղանա։

«ԱՄՆ-ն միշտ ակտիվ դեր է խաղացել ՆԱՏՕ-ում, ԱՄՆ նախագահ Դոնալդ Թրամփը դեմ չէ ՆԱՏՕ-ին, նա դեմ է ՆԱՏՕ-ին, որը չունի անհրաժեշտ հնարավորություններ»,- ասել է Ռուբիոն։

Ռուբիոն հայտարարել է նաև, որ Բրյուսելում հանդիպման ժամանակ ինքը կպահանջի, որ ՆԱՏՕ-ի յուրաքանչյուր երկիր պարտավորվի ավելացնել ռազմական ծախսերը՝ ՀՆԱ-ի 5%-ի չափով։