Ռուսաստանը հրթիռային հարված է հասցրել Կրիվոյ ռոգին․ երեխաներ են զոհվել

Ռուսաստանը հրթիռային հարված է հասցրել Կրիվոյ ռոգին։ Հարվածի հետևանքով քաղաքում հրդեհներ են բռնկվել։ Վնասվել են բարձրահարկ շենքեր. Այրվել են նաև մեքենաներ և ավտոտնակներ։

Քաղաքի պաշտպանության խորհրդի ղեկավար Ալեքսանդր Վիլկուլի խոսքով՝ հարվածի վայրի մոտ մանկական խաղահրապարակ է եղել։
2025 թվականի ապրիլի 5-ի դրությամբ Կրիվոյ Ռոգում հրթիռակոծությունից տուժել 61 մարդ, այդ թվում՝ 12 երեխա։ 18 մարդ մահացել է. նրանց թվում 9 երեխաներ։

Այս մասին սոցիալական ցանցերում տարածած հաղորդագրության մեջ հայտնել է Դնեպրոպետրովսկի մարզային պետական ​​վարչության ղեկավար Սերգեյ Լիսակը։

Հիվանդանոցներում է գտնվում քաղաքի 40 բնակիչ։ Մնացածները գտնվում են ամբուլատոր հսկողության տակ։
«Մարդիկ, ովքեր սգում են իրենց կորցրած հարազատներին. ծնողներ՝ հուսահատված իրենց երեխաների դիակների վրա կռացած, խաղաղ բնակիչների արյուն փողոցում. արյուն, որը ռուս ռազմական հանցագործները երբեք չեն լվանա։ Կրիվոյ Ռոգը կրկին սգի մեջ է։ Ագրեսորը կրկին գերազանցել է իրեն։ Տեղացիները ցնցված են», - իր հույզերով կիսվել է պաշտոնյան։
ՌԴ ՊՆ-ն հանդես է եկել հայտարարությամբ և նշել, որ զինված ուժերը հարվածել են «Մագելան» ռեստորանին, որում Ուկրաինայի ԶՈւ հրամանատարների և արևմտյան հրահանգիչների հանդիպումն էր։ Զոհվել է շուրջ 85 զինվորական և օտարերկրյա սպա։