Իսրայելում 3 տարեկան աղջնակը գտել է 3800-ամյա թալիսման

12730

Կիրակի, 06 ապրիլի, 2025 թ., 20:57

Իսրայելում երեք-ամյա աղջնակը զբոսանքի ժամանակ պատահաբար գտել է 3800-ամյա թալիսման-սրբաբզեզ, որը նրան պարզապես սովորական սիրուն քար է թվացել:
Երբ քարի վրայից մաքրել են ավազը, պարզ է դարձել, որ երեխան ոչ թե գտել է սովորական քար, այլ հնագույն գտածո: Աղջկա ծնողները գտածոյի մասին հայտնել են Իսրայելի հնությունների կառավարման կենտրոն: Մասնագետները պարզել են, որ գտածոն քանանական թալիսման է, որը պատրաստվել է բրոնզե դարի կեսերին:

Քանանը համարվում են Լևանտի տարածքում ապրած հնագույն ժողովուդ: Նրանք սերտ կապեր են ունեցել Հին Եգիպտոսի հետ: Սրբաբզեզի տեսքով գտածոները օգտագործվել են ոչ միայն որպես թալիսմաններ, այլև որպես կնիքներ, որոնց վրա պահպանվել են խորհրդանիշեր և գրություններ: Նման իրեր գտնվել են թաղումներից, հասարակական և մասնավոր կառույցների ավերակներից:
Սրբաբզեզներին՝ որպես խորհրդանիշներներ, սկսել են օգտագործել Հին Եգիպտոսում: Այս միջատները համեմատվել են արևի Աստծո հետ, որը երկնակամարում պտտելով տանում է արևի սկավառակը: