Թրամփը պլանավորում է ռազմական շքերթ անցկացնել իր ծննդյան տարեդարձի օրը. The Hill

ԱՄՆ-ի նախագահ Դոնալդ Թրամփի վարչակազմը ծրագրում է հունիսի 14-ին զորահանդես անցկացնել ԱՄՆ-ի մայրաքաղաքում, այս մասին հայտնում է The Hill թերթը՝ հղում անելով աղբյուրներին։

Ինչպես նշվում է հրապարակման մեջ, միջոցառումը կհամընկնի ամերիկյան ցամաքային զորքերի 250-ամյակի և Թրամփի ծննդյան օրվա հետ։ Հունիսի 14-ին նա կդառնա 79 տարեկան։

Ըստ Washington City Paper-ի՝ Փենթագոնից Սպիտակ տուն ձգվող շքերթի մասնակիցների շարասյունը, ինչպես սպասվում է, կլինի ավելի քան 6 կմ:

Թրամփն ԱՄՆ-ի նախագահի պաշտոնում իր առաջին ժամկետում հայտարարել էր Վաշինգտոնում լայնածավալ ռազմական շքերթ կազմակերպելու մտադրության մասին։ Իշխանությունները քննարկել են, մասնավորապես, 2018 թվականի նոյեմբերին այն անցկացնելու հնարավորությունը, ենթադրվում էր, որ կարող է մասնակցել 5-7 հազար զինվորական։ Սպասվում էր, որ կներգրավվի ռազմական տեխնիկա և ավիացիա։ Լրատվամիջոցների հաշվարկներով՝ արժեքը կկազմեր մոտ 92 մլն դոլար։ Սակայն Թրամփն, ի վերջո, հայտարարել էր այս միջոցառման չեղարկման մասին։ Նա դա բացատրել էր նրանով, որ մայրաքաղաքի իշխանությունները հնարավորություն էին տեսել ֆինանսական օգուտ քաղելու շքերթի կազմակերպումից և սահմանել էին «անհեթեթ բարձր գին»։