Թրամփն առաջարկել է հանդես գալ որպես միջնորդ Թուրքիայի և Իսրայելի միջև

504

Երեքշաբթի, 08 ապրիլի, 2025 թ., 13:03

ԱՄՆ նախագահ Դոնալդ Թրամփն առաջարկել է հանդես գալ որպես միջնորդ Իսրայելի և Թուրքիայի միջև՝ Սիրիայի հարցում, որտեղ երկու երկրները պայքարում են իրենց ազդեցության համար:

Թրամփը հայտնել է, որ Իսրայել-Թուրքիա բանակցություններին կարող են օգնել Թուրքիայի առաջնորդ Ռեջեփ Թայիփ Էրդողանի հետ իր «հիանալի հարաբերությունները»:

Թրամփի խոսքով՝ Թուրքիան Սիրիայում իսլամիստների գլխավորած կոալիցիայի հիմնական աջակիցն էր, որը դեկտեմբերին տապալեց Բաշար ալ-Ասադին՝ գրեթե 14 տարվա քաղաքացիական պատերազմից հետո:

«Ես ասացի (Էրդողանին)՝ շնորհավորում եմ, դու արել ես այն, ինչ ոչ ոք չի կարողացել անել 2000 տարվա ընթացքում: Դու գրավել ես Սիրիան՝ տարբեր անվանումների տակ, բայց դա էական չէ»,- ասել է Թրամփը:

Դիմելով Իսրայելի վարչապետին՝ Թրամփն ասել է․ «Բիբի՛, (Նեթանյահուի մականունը), եթե դու խնդիր ունես Թուրքիայի հետ, ես կարծում եմ, որ կկարողանամ լուծել այն»։