«Իրանի դեմ ռազմական գործողության դեպքում Իսրայելի կղեկավարի այն»․ Թրամփ

ԱՄՆ նախագահ Դոնալդ Թրամփը կրկին սպառնացել է Իրանին՝ ասելով, որ եթե բանակցություններում համաձայնություն ձեռք չբերվի, կդիտարկվի ռազմական տարբերակը։ Թրամփը չի չբացառել Իսրայելի մասնակցությունը, գրում է The Times of Israel-ը։

«Ինչ վերաբերում է Իրանին, եթե ռազմական գործողություններն անհրաժեշտ լինեն, մենք, անշուշտ, կձեռնարկենք նման գործողություններ, և Իսրայելը ոչ միայն դեր կխաղա այդ գործողություններում, այլև կղեկավարի այն»,- ասել է Թրամփը։

Սա, հնարավոր է, առաջին դեպքն է, երբ Թրամփն Իրանին բացահայտորեն սպառնում է Իսրայելի կողմից հարվածով, գրում է թերթը:

ԱՄՆ նախագահի խոսքով՝ շաբաթ օրը Օմանում նախատեսված գագաթնաժողովը գործընթացի «սկիզբն» է։ Մերձավոր Արևելքում Թրամփի հատուկ բանագնաց Սթիվ Ուիթքոֆը կներկայացնի Միացյալ Նահանգները, իսկ Իրանը կներկայացնի արտգործնախարար Աբբաս Արաղչին։